Ju gjen shpesh pasditja apo edhe mëngjesi pa ndonjë ide fikse se çfarë mund të konsumoni që të jetë e shijshme dhe njëkohësisht edhe e shëndetshme? Nëse po, po ju prezantojmë një recetë të thjeshtë, e cila ka të bëjë më fiqtë e tharë. Çfarë mund të bëni me to? Biskota, pse jo? Në vijim gjeni përbërësit dhe produktet në sasinë e duhur.
Për brumin e biskotave:
- 1 ½ filxhan miell
- 1l.v. baking powder
- ¼ l.v. kripë
- 10 l.m. gjalpë të freskët
- 2/3 filxhan sheqer kaf
- 1 vezë të madhe
- 2 l.v. vanilje pluhur
- Lëkurën e 1 portokalli
Për mbushjen me fiq:
- 400gr fiq të tharë të prerë në copëza të vogla
- ½ filxhan me ujë
Përgatitja:
- Përzieni miellin, pluhurin e pjekjes, kripën në një tas të vogël.
- Rrihni gjalpin dhe sheqerin në një tas të madh, rreth 5min.
- Shtoni vezën, vaniljen dhe lëkurën e portokallit dhe vazhdoni t’i rrihni.
- Përzieni miellin në tasin me gjalpin deri sa të bëhet masë uniforme e butë. E vendosni brumin në frigorifer për të paktën 4 orë ose gjithë natën.
- Përzieni fiqtë me ujin dhe i zieni. I lini me kapak mbuluar deri sa fiqtë të kenë thithur gjithë ujin.
- Merrni një nga copat e brumit dhe e vendosni mbi letrën e pjekjes ku keni vendosur miellin. E hapni në formë drejtkëndëshi dhe i hidhni me kujdes nga pak masën e fiqve. E mbështillni me vetë brumin dhe e vendosni në frigorifer deri sa të bëni dhe të tjerat.
- I fusni në furrë për pjekje dhe më pas i prisni në forma pasi të ftohen./tesheshi.com/
l.v. = lugë e vogël
l.m. = lugë e madhe
