Një recetë gjelle ideale për ditët e ftohta të dimrit. Me një shije të veçantë dhe plot vlera ushqyese. Përbërësit mund t’i gjeni lehtësisht, ndaj futjuni punës dhe përgatitni gjellën më të mirë
Përbërësit:
20 lule të vogla brokoli
100 gr mish pule
10 kërpudha
200 ml ajkë
50 gr djathë parmigiano
80 ml qumësht
1 qepë
4 lugë gjelle vaj
Kripë
Piper i zi
Përgatitja:
Prejeni mishin e pulës në copa të vogla dhe hidheni në një tigan me pak vaj.
Spërkateni me kripë dhe piper të zi dhe gatuajeni derisa të marrë një ngjyrë të artë.
Vendoseni mishin e pulës të gatuar mënjanë dhe shtoni në tigan qepën e prerë së bashku me kërpudhat.
Kaurdisini për disa minuta derisa të zbuten dhe më pas shtoni në të brokolin dhe mishin e pulës. Përziejini ngadalë dhe gatuajini për rreth 10 minuta.
Shtoni më pas qumështin, ajkën, kripën dhe piperin e zi. Lërini të ziejnë për rreth 15 minuta.
Pas kësaj, largojeni gjellën e përgatitur nga zjarri dhe hidhni mbi të djathin e grirë. Serviret e ngrohtë./tesheshi.com/
