Të dielën, në emër të Kishës Katolike, Papa Francesku kërkoi falje për “keqtrajtimin, diskriminimin dhe ndarjen” që vuajti komunitet rom, më pjesëtarë të të cilit u takua gjatë një vizite në Rumani.
Një pozicion i tillë mund të rrisë tensionet në marrëdhëniet me Matteo Salvinin, i cili haptazi shpreh një qëndrim jo miqësor ndaj të gjithë emigrantëve – komentuan disa media.
“Në emër të Kishës, ju kërkoj falje për një periudhë në histori, kur ju diskriminuam, ju keqtrajtuam ose ju keqkuptuam”, tha Papa në një fjalim para anëtarëve të komunitetit rom në qytetin Blagoi, Rumania qendrore.
Salvini, i cili shpesh është përplasur me Papën në drejtim të emigrantëve, muajin e kaluar reagoi me zemërim kur kreu i botës katolike priti në Vatikan një grup romësh.
Kreu i LEGA-s, njëherësh nr.2 i qeverisë italiane, premtoi të mbyllë të gjitha vendbanimet rome në Itali.
Vlerësohet se në Evropë numri i romëve është ndërmjet 10 dhe 12 milion, që është afër 1.2 përqind të popullsisë së Bashkimit Evropian. /tesheshi.com/
