Për foshnjat dhe lëkurën, “magjia” e vajit të susamit

Susami është bimë njëvjeçare, e cila arrin lartësinë prej rreth 2 metrash. Lulet e susamit mund të jenë me ngjyra të ndryshme; të verdha, të kaltra ose ngjyrë të purpurt. Farat e kësaj bime janë popullore si mëlmesë, sepse u japin një shije të veçantë e të lehtë ushqimeve. Farat e susamit mund të jenë të bardha, të zeza ose ngjyrë kafe. Nuk ka arsye për të mos e përfshirë në ushqimin e përditshëm, sepse mund të parandalojë sëmundje të ndryshme, madje edhe të shpëtojë jetë. Në 20 vitet e fundit, farat dhe vaji i susamit janë subjekt i shumë hulumtimeve shkencore, ndërsa ne ju sjellim disa nga përparësitë më të theksuara të dëshmuara të susamit.

Kujdesi për foshnjat – Shkencëtarët kanë konstatuar që bërja masazh foshnjave me vaj susami qetëson dhe është e rëndësishme për gjumë të qetë, për forcimin e kockave dhe muskujve të fëmijës. Vaji i susamit është i lehtë dhe i shkëlqyer për kujdesin e lëkurës së foshnjës. Ai është antialergjik dhe antiinfiamator.

Shëndeti i lëkurës – Për shkak të sasisë së madhe të vitaminës E, vaji i susamit mund të parandalojë krijimin e parakohshëm të rrudhave dhe plakjen e lëkurës. Zinku në vajin e susamit do të lehtësojë irritimin e lëkurës. Po ashtu, nxit shërimin e plagëve dhe shëron parregullsitë në lëkurë.

Në 100 gramë susam gjenden 573 kalori. Por këto kalori vijnë nga yndyrat e çmueshme kurative. Ato ndihmojnë në formimin e një trupi të bukur e sportiv, dhe mirëqenien e përgjithshme fizike. Susami përmban edhe minerale të rëndësishme, antioksidantë dhe vitamina, të cilat janë të domosdoshme për shëndetin. /tesheshi.com/