Ministria e jashtme e Kinës reagoi ashpër të martën ndaj njoftimit të Presidentit amerikan Donald Trump në Twitter, në të cilin ai i referohet koronavirusit si “një virus kinez”.
Zëdhënësi i Ministrisë Geng Shuang tha se Pekini zyrtar kundërshtonte me forcë përdorimin e kësaj fjale nga Trump dhe tha se SHBA duhet të zgjidë së pari problemet e saj.
The Guardian kujton se Trump, pasi iu drejtua publikut të hënën për një recesion të mundshëm, postoi në Twitter:
“Shtetet e Bashkuara do t’i mbështesin me forcë këto industri, të tilla si linjat ajrore dhe të tjerat, të cilat preken veçanërisht nga virusi kinez. Ne do të jemi më të fortë se kurrë!”
Organizata Botërore e Shëndetit (OBSH) kishte këshilluar më herët të shmangte terminologjinë e përdorur për shoqërimin e virusit me Kinën ose qytetin Wuhan nga e cila ka origjinën pandemia, për të shmangur diskriminimin dhe stigmatizimin.
Fjalimi i fundit i Trump vjen në një kohë të zhvendosjes së fajit për virusin midis Uashingtonit dhe Pekinit.
Javën e kaluar, zyrtari i Ministrisë së Jashtme kineze, Zhao Liang akuzoi ushtrinë amerikane për sjelljen e virusit në Wuhan.
Ai postoi diçka me titullin “Zhvillimi tronditës. A ka origjinë virusi në SHBA?”, duke e shoqëruar me një video nga një seancë dëgjimore në Kongresin Amerikan, ku thuhej se pacienti zero mund të qe një amerikan.
Menjëherë, SHBA e thirrën ambasadorin kinez Ciu Tiankai duke i dhënë një paralajmërim “të mprehtë”. /tesheshi.com/
