Një imam është gjendur i pajetë të enjten në xhaminë ku shërbente, në fshatin Novosellë në afërsi të Pejës. Fjala është për Ramë Blakajn.
Zëdhënësi për rajonin e Pejës, Driton Rugova tha për Radion Evropa e Lirë se trupi i imamit Blakaj është dërguar për autopsi, në mënyrë që të mësohet shkaku i vdekjes.
“Dje më datën 11.04. 2019 është informuar Policia për një rast në Novosellë, ku patrulla ka arritur në vend dhe ka parë trupin e viktimës të shtrirë. Në vendngjarje ka arritur emergjenca, gjithashtu edhe prokurori”, u tha nga zëdhënësi.
“Hetimet për këtë rast kanë filluar, dhe me urdhër të prokurorit trupi i pajetë është dërguar në obduksion”, shtoi Rugova.
Për momentin nuk ka asnjë pistë dyshim se vdekja mund të ketë ardhur për ndonjë arsye tjetër tej asaj organike. /tesheshi.com/
