Pejës nuk i ka ndihmuar as përforcimi më i ri Nic Wise, për t`u bërë ballë rumunëve të Craiovës, pasi u mposhtën bindshëm me shifrat 97:75.
Ndeshja fillim e mbarim i takoi Craiovës, e cila me një mbrojtje agresive dhe një sulm mjaft efikas ia doli që pushimin mes dy pjesëve ta mbyll me 21 pikë diferencë, (52:31).
Pejanët u munduan të riktheheshin në pjesën e dytë të lojës, mirëpo epërsia e lartë prej më tepër se 20 pikëve bëri që skuadra e Boris Kurtovicit të dorëzohet për të dytën herë më rradhë ndaj Craiovës dhe tani ka një bilanc prej tri fitoreve dhe dy humbjeve në Grupin C të Ballkan ligë.
Amerikani i vetëm te Craiova, Travis Bureau ka shkëlqyer për ekipin e tij, derisa te Peja u dalluan Janou Rubin dhe Alban Veseli. /tesheshi.com/
