Dokumentari-bomba e re e Netflix “Jimmy Saville: A British Horror Story” i publikuar të martën e kaluar, trondit themelet e monarkisë britanike, teksa trajton (ndër të tjera) marrëdhënien e Princit Charles me Jimmy Saville, prezantuesin e çuditshëm të BBC-së, nga i cili prej vitesh janë dhunuar seksualisht gra dhe fëmijë. Sipas dokumentarit, familja mbretërore konsultohej me Savile sa herë që dëshironte të theksonte popullaritetin e saj ose të mbulonte disa nga mëkatet e saj.
Ylli i BBC-së, i cili është cilësuar si “pedofili më i keq i Britanisë”, ka qenë jozyrtarisht dhe për shumë vite këshilltari sekret i Princit Charles.
Kush ishte Jimmy Saville?
Sir Jimmy Savile (1926–2011) ishte një DJ anglez, një personalitet jashtëzakonisht i njohur televiziv dhe radiofonik, duke paraqitur shfaqje të BBC-së, përfshirë Top of the Pops dhe Jim’ll Fix It. Ai madje mblodhi rreth 40 milionë paund për bamirësi dhe u vlerësua gjerësisht për punën e tij filantropike. Por pas vdekjes së tij, kundër tij u ngritën qindra akuza për abuzim seksual, duke e çuar policinë në përfundimin se ai ishte një pedofil dhe se kishte abuzuar seksualisht me qindra njerëz, duke e renditur atë në mesin e kriminelëve kryesorë në Britani.
Në tetor 2012, pothuajse një vit pas vdekjes së tij, një dokumentar i ITV zbuloi abuzimin seksual nga Saville. Zbulimi i tmerrshëm, i cili pothuajse pushtoi median, çoi në një numër në rritje të shpejtë të akuzave për abuzim seksual, si dhe në akuza kundër zyrtarëve publikë për mbulim ose dështim për të vepruar.
Scotland Yard nisi një hetim penal mbi akuzat për abuzim seksual të fëmijëve nga Savile, duke mbuluar gjashtë dekada, dhe e përshkroi atë si një “grabitqar seksual”, pasi tha se kishte më shumë se 400 hetime në mbarë vendin, bazuar në dëshminë e 300 viktimave të mundshme.
Justifikimi
Charles dhe anëtarët e tjerë të familjes mbretërore nuk e kishin idenë se bamirësia e Saville ishte një mbulesë për dekada abuzimi. “Charles u mashtrua, si të gjithë ne,” tha për Times drejtori i dokumentarit të Netflix, Rowan Deacon, duke shtuar: “Letrat tregojnë besimin e Princit Charles te Jimmy Saville”. Ai po përpiqej t’i drejtohej popullit britanik, duke dashur të modernizonte imazhin e tij. Dhe ai e pa Jimmy Saville si ndihmësin e tij në këtë. “Më pas, kjo doli katastrofike.” /tesheshi.com/
