Partia Demokratike e Kadri Veselit nëpër tubimet elektorale është duke u kërkuar qytetarëve të dhënat dhe nënshkrimet si dëshmi se do ta votojnë këtë parti më 11 qershor.
Këtë veprim, vëzhgues të procesit zgjedhor e kanë cilësuar të jashtëligjshëm dhe keqpërdorim për t’u bërë presion votuesve që të votojnë me çdo kusht PDK-në.
Në një nga tubimet e PDK-së në Prishtinë, qytetarëve u është kërkuar të shprehin zotimin se do ta votojnë atë duke vënë nënshkrimin e të dhëna të tjera në disa lista, shkruan “Koha Ditore”.
Në krye të listës shkruhet: “Po, unë zotohem se do ta mbështes ‘Fillimin e ri’ për Kosovën dhe do ta votoj PDK-në 12”. Përveç emrit, mbiemrit dhe qytetit, atyre u kërkohet të shkruajnë edhe numrin e telefonit. /tesheshi.com/
