Nga Blendi Gashi
Partia Demokartike e Kosovës (PDK) pas 17 vjet drejtimi nga lideri i saj Hashim Thaçi, siç e quajnë në parti, historik, nga 9 marsi 2016-të ka marrë një rrugëtim të ri.
Këshilli Drejtues i PDK-së, në një takim të mbajtur të mërkurën ka votuar në mënyrë unanime që Kadri Veseli të jetë ushtrues detyre i kryetarit të partisë deri në konventën zgjedhore të kësaj partie që do të mbahet më datë 7 maj.
Votimi pa asnjë votë kundër tregon se PDK po vazhdon rrugëtimin e njëjtë ashtu siç e zgjidhte edhe Thaçin në krye të partisë me unanimitet të plotë në Konventat zgjedhore.
Koha dëshmoi se gjatë viteve që Thaçi udhëhoqi PDK-në, në këtë parti pothuajse asnjëherë nuk u dëgjua zëri kundërshtues deri në Konventën e fundit ku dolën në pah pakënaqësitë e para.
Ishte atë kohë sekretari i parties, Jakup Krasniqi i cili bojkotoj punimet e Kuvendit, e ku përmes një letre publike Thaçin e quajti “sundimtar të gjithëpushtetshëm të PDK-së, një njeri që e shfrytëzon partinë për çdo gjë, e si do ai, si një pronë private”.
Edhe Veseli pritet ta “heshtë” PDK-në
Si në Konventat e kaluara të këtij subjekti politik, edhe Konventa që do të mbahet siç theksuam më lart, më 7 maj, pritet ta ketë fytyrën e njëjtë, pasi qysh tani dihet se kush do të pasojë Thaçin në krye të partisë.
Kadri Veseli, ish-shefi i Shërbimit Informativ të Kosovës (SHIK) i cili edhe pse u anëtarësua krejt vonë në struturat e parties, apritet të konfirmohet kryetar i PDK-së, pasi ka ndikim të madh në parti.
Ai këtë e dëshmoi kur brenda një kohe të shkurtër kur u emërua në postin e zv.kryetarit të PDK-së, post i cili nuk ka ekzistuar më parë në partinë që drejtohej nga Thaçi.
Por Veseli ka pasur ndikim të madh në këtë subjekt, edhe kur nuk ishte zyrtarisht pjesë e organeve vendimarrëse. Të paktën kështu kanë deklaruar ish-drejtues të lartë të PDK-së , konkretisht Bajram Rexhepi.
Dhe duke pasur parasysh fuqinë e madhe që ka Veseli, nuk pritet që PDK të shkoqet nga sundimi i kryetarit.
Nuk ka dilemë aspak nëse Veseli do të ketë nën kontroll drejtuesit më të lartë të parties, pasi të gjithë figurat e larta të këtij subjekti në mënyrë unanime kanë vlerësuar lartë rolin e tij duke e quajtur një njeri meritor dhe të duhur për të udhëhequr më tej PDK-në.
Por shtrohet pyetja a do të mund të qëndroj Veseli për17 vite në krye të PDK-së aq sa qëndroj shoku i tij Thaçi, si dhe a do të mund të mbaj parti të parë në vend dhe në pushtet?!
Padyshim se Veselit për dallim nga Thaçit i mungon përvoja e madhe në politikë derisa ka edhe një beckgraund plot dritëhije që e ndjek nga pas si ish-shef i SHIK-ut ku zyrtarë të Lidhjes Demokratike të Kosovës kanë drejtuar gishtin nga organizata që ka udhëhequr ai për disa vrasje që kanë ndodhur pas luftës të disa funksionarëve të lartë të LDK-së.
Zgjedhjet e ardhshme lokale që do të mbahen vitin e ardhshëm, por edhe ato nacionale kurdo që mbahen do të jenë një sprovë e madhe për Veselin, ku edhe do të kuptohet nëse do t’ia ruajë apo jo primatin partisë, por edhe a do të jetë si lider i PDK-së më i votuari në Kosovë siç ishte Thaçi apo jo.
Ndryshe, Veseli në fjalimin e tij të parë si u.d. i kryetarit të PDK-së tha se po hapet një rrugëtim i ri demokratik i partisë së tyre. /tesheshi.com/
