Mungesa e fotos zyrtare të presidentit të Kosovës, Hashim Thaçi në sallën e seancave në komunën e Malishevës ka shkaktuar bllokim të punës.
Ky fenomen u raportua muaj më parë portali tesheshi.com, kur Izet Krasniqi nga PDK-ja locale, deklaroi pikërisht për tesheshi.com se nuk do të ketë qetësi në kuvendin komunal të Malishevës derisa nuk vendoset foto e presidentit Thaçi.
Dhe, kjo parti ka mbajtur fjalën e saj duke pamundësuar zhvillimin e punimeve.
Por partia tjetër opozitare në këtë Kuvend, Vetëvendosje ka thënë se asambleja nuk duhet të bllokohet për shkak të një fotoje të Thaçit, sepse, sipas tyre, ai ka ardhur në këtë pozitë me vota të vjedhura.
Ndryshe, çështja e përdorimit të simboleve shtetërore dhe ajo për përdorimin e fotos së presidentit të shtetit, janë të rregulluara me ligj të veçantë. /tesheshil.com/
