PD vendos përfundimisht për djegien e mandateve, akt që u kumtua nga kreu i saj Basha.
Duke renditur arsyet se pse, kreu i selisë blu tha se ky vendim diktohet nga situate, të cilët e vizatoi me ngjyrat më të errëta të mundshme.
“Ju njoftoj me vendimin që grupi mori me votë unanime. Duke pasur parasysh gjendjen e emergjencës kombëtare ku ndodhet vendi për shkak të kapjes së qeverisë në flagrancë duke vjedhur votat e shqiptarëve si dëshmojnë dhe dosjet e publikuara nga mediat ndërkombëtare, për shkak të kapjes në afera korruptive dhe kriminale, eliminimit të kuvendit, të Gjykatës Kushtetuese, Kushtetueses, kapjes së sistemit të drejtësisë, paralizës së shtetit, shtypjes sistematike dhe dhunimit të të drejtave themelor të lirive të shqiptarëve që kanë shkaktuar një situatë të paprecedentë, të krizës ekonomike, emigracionit, duke mbështetur zgjidhjen e ofruar nga opozita e bashkuar, të një qeveri tranzitore të gatshme për të ndërmarrë hapat e nevojshëm që do të garantojnë zgjedhje të lira e të ndershme, hapjes se negociatave në BE, përmes zgjedhjeve të lira e të ndershme të parakohshme paralamentare vendosi unanimisht djegien e mandateve në kuvendin e dalë me votat e krimit de mafies, zgjedhjeve të manipuluara të 2017. Grupi autorizoi kryetarin e partisë të ndjekë hapat e mëtejshëm në përputhje me statutin e partisë”, tha Basha. /tesheshi.com/
