Partia Demokratike ka reaguar ndaj Kryeministrit Edi Rama, për deklaratat e sotme lidhur me territorin. Sipas PD, “shkatërruesi i Tiranës për 11 vite, ai që mbolli pallate duke ndjekur 20 përqindëshin e duke nëpërkëmbur qytetarin, ai që kur Tirana më në fund u bë me plan zhvillimi e bllokoi atë, që i mohoi qytetarëve mijëra vende pune duke ndalur investimet strategjike dhe historike në kryeqytet, ka sipas kësaj partie kurajon dhe fytyrën të dalë e të mbajë leksione për territorin”
Në vijim thuhet se Edi Rama e ktheu bashkinë në laborator të kalkulimeve politike personale e financiare, në lavatriçe të larjes së parave të krimit të organizuar dhe bandave të lidhura me të.
PD thotë se Rama, nuk mbajti kurrë përgjegjësi për krimet në territor e në mjedis duke korruptuar e blerë “Strakoshat e tij” në gjyqësor e prokurori. Teksa del e predikon të kundërtën e saj që ka bërë vetë që ditën e parë në pushtet, sipas PD, Edi Rama me shfaqjen e radhës po fsheh një pazar tjetër të madh me të ashtuquajturin plan të zhvillimit të territorit./tesheshi.com/
