Partia Demokratike këmbëngul që kryeministri Rama të tregojë se si e ka blerë me para një foto me presidentin Obama gjatë kohës kur ishte në opozitë, në vitin 2012.
E bindur se kjo është mëse e vërtetë, pavarësisht se shefi i qeverisë e ka mohuar një gjë të tillë, PD me anë të Palokës, e konsideron këtë një fakt të pakundërshtueshëm, duke u interesuar vetëm të dijë, në emër të opinionit, për burimin se nga janë marrë të hollat.
“Edi Rama ka detyrimin të bëjë transparencë nga dolën paratë. Dyshimet janë për para droge apo nga aktivitet kriminal. E nëse janë para droge apo trafiqesh, atëherë kemi të bëjmë me një krim edhe më të madh”, ka theksuar Paloka në një konferencë për shtyp këtë të premte. /tesheshi.com/
