Parlamenti ka miratuar me 131 vota ligjin për dekriminalizimin, ligj që pritet të shkaktojë largimin e atyre zyrtarëve që kanë trashëgimi kriminale të vërtetuar nga organet gjyqësore.
Pas miratimit të ligjit për dekriminalizimit ka reaguar menjëherë ambasada amerikane në Tiranë.
Deklaratë e Ambasadës së SHBA
“Ambasada e SHBA mirëpret vendimin e guximshëm të parlamentit shqiptar për miratimin e ligjit për dekriminalizimi. Ky ligj është më i ashpri në Europë kundër kriminelëve në politikë. Ndërkohë që ky ligj është rezultat i punës së madhe si nga shumica ashtu edhe nga, në fund të fundit ai është një fitore për qytetarët shqiptarë që duan qeverisje të pastër dhe fundin e korrupsionit. Ndërsa mbetet ende shumë punë për t’u bërë në luftën e Shqipërisë kundër krimit dhe korrupsionit, ky ligj përfaqëson një hap të rëndësishëm për të ulur ndikimin e elementëve kriminalë në vend”./tesheshi.com/
