PD i ka bërë përkthimin e saj ngjarjes së Lushnjës, duke e konsideruar sulmin me granatë ndaj kryebashkiakut Tushe nga ish-shoferi i tij, si pjesë e një pazari të prishur.
“Është fakt i njohur në Lushnjë, se ish shoferi i kryetarit të Bashkisë Lushnjë, një trafikant droge dhe prostitucioni, ka financuar fushatën elektorale të Fatos Tushes.
Çdo lushnjar e di se personi që ka kryer sot goditjen kundër kryebashkiakut, ishte njeriu më i besuar i Fatos Tushes dhe që bënte çdo pazar në emër të tij”, thuhet në një deklaratë të selisë blu, ku më pas bëhet thirrje për zgjidhje politikes përmes zgjedhjeve.
“Për Partinë Demokratike ka vetëm një mënyrë për të dalë nga kjo krizë përfaqësimi. Këto janë zgjedhjet e lira dhe të ndershme, parlamentare dhe lokale në të njëjtën ditë”, deklaron PD. /tesheshi.com/
