Komisioni i Venecias miraton raportin përfundimtar për Drejtësinë ndërkohë që PD ndryshon menjëherë mendje dhe përshëndet raportin.
Venecia publikoi raportin i cili u bë i ditur nga tesheshi.com një javë më parë.
Pas miratimit ambasada e BE-së në Tiranë thekson se tani topi është në fushën e politikës shqiptare.
“Komisioni i Venecias miratoi opinionin përfundimtar për reformën në drejtësi dhe falenderoi delegacionin e BE-së për mbështetjen dhe bashkëpunimin. Tashmë është përgjegjësi e Parlamentit të bëjë reformën historike në drejtësinë që kërkojnë qytetarët shqiptarë”, thuhet në njoftimin e delegacionit të BE-së në Tiranë.
Ndërkaq, PD, pasi një javë më parë nxori 20 kushte të reja, sot në një deklaratë thekson se “Venecia ka rekomanduar që palët politike të arrijnë një konsesus bazuar në parimet dhe kriteret e Venecias”.
Sipas Eduard Halimit, opozita ndjehet i inkurajuar që çështjet e ngritura prej saj janë cilësuar si legjitime dhe i janë bashkuar marrëveshjes politike”. /tesheshi.com/
