Ekstradimin e një shtetasi turk më datë 1 janar, PD e sheh si si shkelje të të drejtave të njeriut.
Fjala është për 42- vjeçarin Harun Çelik, i cili muaj më parë u arrestua në Rinas me dokumente false teksa hynte tranzit me pasaportë turke, por me vizë kanadeze false. Pikërisht për këtë shkelje ai u dënua nga Gjykata e Tiranës me 5 muaj burgim, dënim ky i cili i mbaroi më 1 janar.
Por po në këtë datë ai u esktradua drejt Turqisë.
Çelik konsiderohet si element gylenist, të cilavë Turqia u ka shpallur luftë që pas grushtit të shtetit të dështuar të korrikut 2016.
Dhe sipas opozitës, në këtë ekstradim ka shkelje.
“Ndërsa mediat po raportojnë me shqetësim për një ekstradim të një qytetari turk sipas tyre në shkelje të ligjit, nuk ka asnjë sqarim të institucioneve shtetërore për këtë ngjarje.
Heshtja dhe zgjedhja e datës 1 Janar për këtë veprim, na detyrojn të kërkojmë trasparencë të menjëhereshme për cfarë po ndodh dhe pergjigje nëse veprimet e autoriteteve janë në përputhje me ligjet në fuqi, konventat ndërkombëtare dhe të drejtat e njeriut?
Është prioritare për çdo vend demokratik, vecanërisht në procesin e integrimit europian, të respektoje këto parime, të drejta e detyrime”, thuhet nga PD.
Ndërkohë, TCH citon burime kufitare të thonë se se dëbimi i tij nuk ka lidhje me dyshimet që Harun Çelik mund të jetë pjesë e Lëvizjes Gylen, porse është ndjekur një procedurë standarde për të gjithë të huajt të cilët kapen në vendin tonë me dokumenta false. /tesheshi.com/
