PD ka shpallur së fundi dhe braktisjen e komisionit të Reformës Zgjedhore, një “derë ende e hapur” për të që të futej në proces.
Ajo shpalli se nuk do çojë vëzhgues aty, siç Kuvendi ia kërkoi ditë më parë, ku pretendimi është sërish politik dhe brenda frymës së djegies së mandateve.
Është Sekretari i Përgjithshëm Gazmend Bardhi, ai cili në një letër dërguar Kuvendit shkruan se: “Asnjë komision që ka në përbërje dhe drejtim individë që duhet të ishin në burg për krime elektorale, nuk gëzon legjitimitetin për realizimin e Reformës Zgjedhore”.
E nga ana tjetër, zyrtari i lartë demokrat nuk pranon që kjo të bëhet nga askush tjetër në pozitë opozitare.
“Asnjë Komision që ka në përbërje dhe drejtim individë që nuk përfaqësojnë opozitën, nuk mund të përcaktojë rregullat për pjesëmarrje në zgjedhje të partive politike opozitare.
PD shpreh bindjen se ajo duhet të realizohet e të zbatohet vetëm nga institucione apo parti që kanë vullnet për të garantuar zgjedhje të lira dhe të ndershme”, shkruan Bardhi. /tesheshi.com/
