Partia Demokratike ka akuzuar ditën e sotme atë që ajo vetë e ka cilësuar si “drejtësia e Edi Ramës”, e cila, siç u shpreh nga selia blu kreu i Departamentit të Rendit dhe Sigurisë, Enkelejd Alibeaj, la të lirë administratorin që u kap me gjysmë ton drogë.
“Pak ditë më parë, gjykata nxori nga burgu dhe la të lirë administratorin e Edi Ramës për Kaçinarin, Petrit Bardhi, i cili u kap me 420 kilogramë drogë. Ky është mekanizmi që ka vënë në punë Rama në aleancën e tij me krimin. Fillimisht i jep krimit pushtet, më pas e mbron edhe nga drejtësia. E bëri këtë trafikant kryetar komune e më pas administrator, tani i jep dhe imunitet duke e lënë të lirë edhe pse shtëpinë e kishte mbushur me drogë dhe drogën e tregtonte në Greqi”,- tha Alibeaj.
Ai shtoi se gjykata e Edi Ramës lë të lirë trafikantin që kapet me gjysmë tonë drogë, sepse ky gërhet natën e sepse Edi Rama e do të lirë trafikantin e tij, e do në shërbim, për delegatët e kongresit e për votat e zgjedhjeve që po afrojnë.
“Për këdo që ka më të voglin iluzion, Rama e ka bërë të qartë zgjedhjen e e tij. Nuk është zgjedhja e tij ligji, drejtësia dhe pastrimi nga krimi. Zgjedhja e tij janë Ndoka, Cubi, Bardhi, Bushi, Roshi e Armando Prenga”, – përfundoi deklaratën Enkelejd Alibeaj./tesheshi.com/
