Partia Demokratike ka ofruar një tjetër fakti për lidhjen Tahiri – Habilaj, kësaj radhe jo thjesht për median por duke e dorëzuar në Prokurori. Bëhet fjalë për policën e sigurimit të Audit të famshëm, që siç duket për disa vite ka qenë në bashkëpronësi
“Kemi depozituar disa dokumente lidhur me çështjen penale të hetimit tashmë të bandës së njohur Habilaj-Tahiri. Kemi paraqitur një dokument që fakton bashkëpunimin mes Saimir Tahirit dhe Artan Habilajt. Bëhet fjalë për një dokument, polica e sigurimit e Audit AA003GB. Polica tregon dy emra të përdoruesve të saj, Saimir Tahiri dhe Artan Habilaj, tregon faktin e bashkëpunimit dhe bashkëpërdorimit të kësaj makine”, u shpreh kreu i Departamentit të Sigurisë në PD, Enkelejd Alibeaj.
“Ky dokument mban datën 2 prill 2015 dhe ka një kohëzgjatje deri më 1 prill të 2016, që shkon përtej datave dhe kohës që u diskutua në Këshillin e Mandateve ku pretendohej se bashkëpunimi ishte në vitin 2014. Ky dokument tregon se bashkëpunimi ishte i vazhdueshëm”, shtoi më pas zyrtari demokrat.
Nga ana tjetër, sot ka patur një deklaratë alla Adriatik Llalla, nga ana e pasardhëses së tij, Arta Marku
“Do të ketë shumë ndryshime dhe do të shihni surpriza” u shpreh kryeprokurorja e përkohshme në një takim me gazetarët.
Të njëjtën gjë pak a shumë pat thënë dhe Llall kur qe në detyrë, dy herë në kohë të ndryshme, por mbeti emblematic për mosofrimin e asnjë suprize sa qe në krye të organit të akuzës. /tesheshi.com/
