Përkundër raportimeve fillestare për humbje, kryeministri izraelit, Benjamin Netanjahu ka fituar një mandat të ri parlamentar. Ky njoftim erdhi pas numërimit të 97% të votave.
Partia ”Likud” e Netanjahut dhe partia e ashtuquajtur ”Blu dhe e Bardhë” e Benny Gantz kanë marrë nga 35 vende secila, duke u bërë kandidatë të barabartë në këtë garë të ngushtë.
Por, koalicioni i krahut të djathtë të kryeministrit ka aktualisht 65 vende nga 120 vendet sa janë në parlament, kjo e bën atë automatikisht si një shumicë qeverisëse.
Menjëherë pas përfundimit të procesit zgjedhor, të dy liderët, Gantz dhe Netanjahu e quanin veten fitues.
Ky është mandati i pestë që Netanjahu e ka fituar, pavarësisht se ndaj tij hidhen akuza për korrupsion.
Zërat flasin se këto zgjedhje Netanjahu i ka fituar falë mbështetjes së presidentit amerikan Donald Trump, i cili së fundmi ia “bekoi” Netanjahut aneksimin e zonës së Golanit e cila i takonte Sirisë.
Ai poashtu po zgjeron planet e tij për aneksimin e Bregut Perëndimor, lëvizje e cila nuk duket e largët po të shihen kolonitë hebreje të ndërtuara në afërsi të vendbanimeve palestineze. /tesheshi.com/
