Kompania mëmë e Instagram-Meta njoftoi se disa dhjetëra miliona njerëz vazhdojnë të përdorin rrjetin social popullor në Iran, pavarësisht kufizimeve drastike të internetit të vendosura nga autoritetet atje për shkak të lëvizjes protestuese të nisur në shtator, raporton AFP.
“Megjithë përpjekjet (nga autoritetet) për të bllokuar Instagramin, disa dhjetëra miliona njerëz gjejnë një mënyrë për të hyrë në të përmes VPN (rrjetit privat virtual) dhe metodave të tjera”, u tha gazetarëve Nick Clegg i Metës.
Sipas tij, iranianët përdorin Instagram Lite, një version më i lehtë i aplikacionit (dy në vend të 30 megabajt), i cili lejon një lidhje më të qëndrueshme edhe kur gjerësia e brezit zvogëlohet.
Irani ka kufizuar aksesin në internet, rrjetet sociale dhe aplikacionet e komunikimit, duke përfshirë Instagram dhe WhatsApp, të cilat janë platformat e huaja më të njohura në vend. /tesheshi.com/
