Pavarësimi i mundshëm i Katalonias: bota e sportit spanjoll, përballë dilemës së madhe

Qytetarët në Kataloni gjatë fundjavës votuan në fundjavë për zgjedhjet lokale, të cilat kanë nxjerrë fituese partinë e liderit Artur Mas. “Convergencia” do të ketë numrin më të madh të votave në parlamentin lokal duke rritur mundësinë që krahina të shpallë në mënyrë të njëanshme pavarësinë nga Spanja.

Lajmi më pak se të gjithë “gëzon” botën e sportit që pritet të ndahet më dysh. Përpos kampionëve aktualë, të Spanjës dhe të Europës, Barcelonës edhe shumë sportistë të tjerë do të detyrohen të bëjnë zgjedhjen e tyre në këtë udhëkryq.

Ditë më parë,  kreu i federatës spanjolle të Futbollit, Javier Tebas theksoi se klubet katalunase nuk do të mund të jenë pjesë e La Ligas, për shkak se një gjë të tillë nuk e lejojnë ligjet spanjolle.

Në rast pavarësimi të krahinës, Barcelona nuk do të ketë mundësi të mbrojë titujt e saj.
Përfaqësueset spanjolle të të gjitha sporteve do të ndaheshin në dysh, pasi shumë lojtarë katalunas janë pjesë e kombëtareve spanjolle.  Madje, lojtarë dhe figura mjaft të rëndësishme, siç janë basketbollisti kryesor i spanjollëve, Paul Gasol, futbollisti Gerard Pike, notarja Mirela Belmonte ose piloti i motorëve, Mark Markez do të duhej të bënin zgjedhjen se ngjyrat e kujt do t’i mbronin në të ardhmen.
Tashmë futbollisti i Barcelonës, Gerard Pike e ka bërë një gjë të tillë duke qenë pjesë e votimeve gjatë fundjavës. Në fakt, futbollisti kishte shprehur hapur preferencat e tij në lidhje ne pavarësimin e Katalunisë nga mbretëria Spanjolle. /tesheshi.com/