Si çdo përvjetor festash Nëntori, politika shqiptare u shfaq e përçarë në nderim të tyre. Qeveria ishte në Vlorë, për të nderuar Pavarësinë, ku Rama e Meta u shfaqën së bashku.
Ndërsa në Tiranë, te “Dëshmorët e Kombit”, u shfaqën krerët e opozitës për të nderuar ditën e çlirimit, sigurisht duke marrë në konsideratë edhe Pavarësinë.
“Përkulemi sot me nderim para sakrificave të mijëra shqiptarëve që dhanë jetën për lirinë. Nderim simbolit tonë kombëtar. Përkulemi me nderim para Ismail Qemalit dhe firmëtarëve të pavarësisë. Përkulemi para qindra e mijëra burrave e grave që dhanë jetën për çlirimin e Shqipërisë. Kjo sakrificë dhe ky çmim i lartë që kombi ynë ka paguar është i pandarë për të ruajtur lirinë e demokracinë. Për lirinë duhet luftuar çdo ditë. Jam sot në krah të gjithë qytetarëve që j anë ngritur për të mbrojtur liritë e tyre”, tha kryedemokrati Basha.
Siç mund të dallohet, fraza e fundit shkon kah zhvillimeve aktuale politike, referuar banorëve të “Astirit”, aty ku opozita ka ngritur dhe një “çadër” të saj politike. /tesheshi.com/
