Kreu i qeverisë së Kosovës, Ramush Haradinaj e aplikoi sërish formën e tij unike të të uruarit të festës së Pavarasisë, duke u dhënë nga një ëmbëlsirë policëve në detyrë tek shtëpia e tij.
“Sot, në nderim të punës së tyre të palodhshme, nga një ëmbëlsirë policëve për festë. Tradita vazhdon”, ka shkruar Haradinaj në Facebook.
Urim ka përcjellë edhe presidenti Thaçi, me një gjuhë tejet zyrtare:
“Është 28 Nëntori i Skënderbeut. Është 28 Nëntori i Ismail Qemalit e Isa Boletinit, i UÇK-së dhe Adem Jasharit. Shumë atdhetarë dhe veprimtarë tanë kanë dhënë jetën për 28 Nëntorin dhe Flamurin Kombëtar. Kjo është dita e tërë shqiptarëve, kudo që ata gjenden”, shkruan Thaçi.
Nga nga opozita, kreu i VV-së Albin Kurti ishte në Prekaz ku deklaroi se “28 Nëntori është dita thelbësore e identitetit kombëtar dhe historisë së shqiptarëve. Nga Skënderbeu në Krujë tek Ismail Qemali në Vlorë tek Adem Jashari në Prekaz, kujtojmë ngjarjet e lavdishme dhe njerëzit e mëdhenj me ndjenjën e përbashkët të krenarisë dhe përgjegjësisë tash kur amaneti i tyre na e ndriçon rrugën përpara. Të gjithë shqiptarëve, urime dhe gëzuar 28 nëntori i flamurit, i pavarësisë dhe i UÇK-së”. Siç mund të shihet, gjuha e Thaçit dhe e Kurtit kanë qenë tejet patetike në mesazhe, plot folklorizëm mes frazash, ndërsa Haradinaj është treguar më praktik. /tesheshi.com/
