Me qindra mijëra njerëz anti-pavarësisë së Katalonjës marshuan në një protestë në Barcelonë, duke mbajtur në duar flamuj të Spanjës, Katalonjës, si dhe Bashkimit Evropian.
Protesta u organizua nga organizatat e shoqërisë civile katalanase që janë kundër pavarësisë dhe në te morën pjesë edhe ministrja e Shëndetësisë e qeverisë qendrore të Spanjës, Dolors Montserrat, liderë të partive kundër pavarësisë dhe zyrtarë të tjerë.
Masat e njerëzve mbanin pankarta me mbishkrimet “Rroftë Spanja” dhe “Të gjithë jemi Katalonjë”, si dhe kanë brohoritur me sloganet “Nuk do të lejojmë përçarjen e Spanjës”, ndërsa kundër liderit separatist Carles Puigdemont kanë reaguar me sloganin “Puigdemont në burg.”
Alex Ramos, përfaqësuesi i organizatave të shoqërisë civile katalanase në një deklaratë ka vënë në dukje se “Tashmë shumica e katalanasve nuk janë më të heshtur dhe ndodhemi këtu për të treguar se nuk do të qëndrojnë të heshtur.” /tesheshi.com/
