Kuvendi i Kosovës ka votuar pothuajse me unanimitet tre projektligjet që i hapin rrugë formimit të Ushtrisë së Kosovës, e cila do burojë nga FSK-ja.
Është ky një lajm i hidhur për Beogradin, një kundërshtare e fortë e kësaj lëvizjeje politike. Ndaj dhe Lista Serbe qe e vetmja e cila e bojkotoi votimin.
Kryeministri Haradianj, njeriu që e inicioi këtë proces, shkroi nën delir.
“Me të drejtë një prej ditëve më përcaktuese për vendin në konsolidim të shtetit dhe në rrugën drejt NATO-s. Me votimin në lexim të parë të pakos së ligjeve për FSK-në, deputetët e Kuvendit vulosën të drejtën e shtetit tonë sovran për tranzicionin e FSK-së në mandat ushtarak dhe mbrojtës, ofruese e sigurisë për të gjithë qytetarët dhe komunitetet, forcë multietnike e profesionale, sipas standardeve të NATO-s. Falënderoj secilin deputet veç e veç dhe të gjitha partitë politike nga pushteti dhe opozita, që për temat nacionale po dëshmojnë konsensus dhe unitet politik. Nga tranzicioni i FSK-së përfitojnë qytetarët e komunitetet në Kosovë, por edhe rajoni ynë dhe partnerët strategjikë”, u shpreh shefi i ekzekutivit kosovar.
Themelimi i Ushtrisë është sfida e dytë më e madhe pas shpalljes Pavarësisë, për të cilin Beogradi po investohej fuqishëm mos ndodhte, ndërkohë që dhe jo të gjithë ndërkombëtarët e duan të ndodhë. /tesheshi.com/
