Patëllxhanët e mbushur janë një pjatë e dytë me origjinë spanjolle, e cila është shumë e përdorur dhe e gatuar edhe në gadishullin tonë, e veçanërisht në Shqipëri. Zona të ndryshme kanë metoda dhe mënyra të ndryshme të përgatitjes së kësaj tave, ndërsa më poshtë po ju tregojmë një recetë të thjeshtë dhe më të përgjithshme.
Përbërësit:
4 patëllxhanë
750 ml lëng domate
400 gr. mish i grirë (viçi)
150 gr. bukë e thekur
120 gr. djathë Pecorino
2 lugë majdanoz i grirë
1 qepë e madhe
1 hudhër
½ filxhan vaj
Disa gjethe borzilok
Kripë dhe piper
Përgatitja:
Lani dhe thani patëllxhanët. Pasi të keni prerë pjesën e mesit, prini patëllxhanët në gjysmë. Me ndihmën e një luge hiqni pjesën e tulit.
Mbushni me kripë pjesën e brendshme të patëllxhanëve dhe vendosini në një enë me ujë për rreth 30 minuta.
Në një tigan me vaj grini dhe vini të skuqet gjysmën e qepës dhe më pas shtoni lëngun e domateve (ose domate të grira). Hidhni kripën dhe gjethet e borzilokut, të shtypura pak me dorë.
Në një tigan tjetër shtoni gjysmën e qepës dhe hudhrën e grirë, të spërkatur me pak vajë.
Shtoni edhe mishin e grirë dhe lërini të skuqen bashkë.
Sapo të ketë zier mishi, shtoni brenda në tigan edhe zemrën e patëllxhanit (të grirë) dhe lërini të kavërdisen bashkë. Shtoni kripë dhe lëreni për 3 minuta në zjarr.
Pas tre minutash shtoni 4 lugë nga domatja me qepë dhe fikni sobën.
Kur përzierja të jetë ftohur, shtoni dhe bukën e thekur e përzieni përsëri.
Mbushni patëllxhanët me masën e krijuar me ndihmën e një luge.
Më pas, mbuloni patëllxhanët me djathin pecorino, vendosini në një tavë dhe në furrë për 30 minuta në temperaturë 180 gradë./tesheshi.com/
