Gjatë ditëve të fundit media ka publikuar pasuritë e deputetëve dhe politikanëve në Shqipëri, të cilët i kanë deklaruar të ardhurat dhe pasuritë e tyre materiale në Inspektoratin e Lartë të Deklarimit të Pasurive dhe Kontrollit të Interesave(ILDKPKI).
I vetmi nga 140 deputetët që ka refuzuar të tregojë pasurinë e tij është deputeti demokrat Mhill Fufi, i cili ka pranuar më mirë të paguajë gjobën, sesa të merret me plotësimin e formularëve të deklarimit të pasurisë.
Vihet re se gratë deputete mbesin më të “varfra” në deklarimin e pasurisë, ndërsa personat që vijnë nga bota e biznesit, rendisin shifra marramendëse. Sa i takon kryeministrit Edi Rama, ai dhe e shoqja kanë marrë një kredi prej 80 mijë eurosh për shtëpinë në Surrel të Tiranës. Ata duhet ta paguajnë atë brenda 10 vitesh, 50% secili.
Deri tani, Rama dhe e shoqja kanë shlyer 6.886 euro. Ndërkohë, të ardhurat e kryeministrit janë rritur gjatë 2014-s, si pasojë e rrogës së kryeministër. Rama ka deklaruar se gjatë 2014-s ka përfituar 2.173.405 lekë nga paga si kryeministër. Kreu i qeverisë ndërkohë, ka deklaruar se gjatë vitit 2014, ka vijuar të marrë fitime nga libri “Kurbani”. Ai ka përfituar nga shitja e librit 2 milion lekë të vjetra. Ndërsa Linda Rama ka përfituar 8.5 milionë lek.
Sa i takon kreut të opozitës, Lulzim Basha, ai ka deklaruar se gjatë vitit 2014 rezulton të jetë paguar më shumë se rroga vjetore në Shqipëri. Në deklaratën e tij të pasurisë, Basha ka zyrtarizuar se ka përfituar rreth 1.5 milionë lekë në vit nga puna si kryebashkiak i Tiranës, por edhe një pagë të siguruar nga Holanda prej 26 mijë eurosh, si drejtuesi i programit EWCP.
Ja kush janë disa nga deputetët më të pasur shqiptarë:
Tom Doshi – Blerje trualli në Tiranë, 3 500 000 lekë Blerje trualli në Tiranë, 300 000 euro. Blerje apartamenti në Tiranë, 11 6520480 lekë Blerje apartamenti, 8 927 600 lekë. Blerje 5 apartamente me vlerë, 303 000 000 lekë, 100 800 000 lekë, 53 200 000 lekë, 57 680 000 lekë dhe 17 784 000 lekë. Blerje autoveture 2 copë, 68 000 euro dhe 20 000 euro. Shitje pasurie trualli apartament, 840 259 450 lekë.
Ridvan Bode – Bono thesari, 5 220 000 lekë Blerje autoveture, 1 500 000 lekë Llogari bankare, 53 892 lekë dhe 352 636 lekë
Mark Frroku – Ish-hotel në Rrugën e Durrësit, 6 milionë euro Autoveturë, 18 000 euro, autoveturë, 900 000 lekë. Shpenzime rikonstruksioni e godinës Leonard 40 000 000 lekë (të ardhura nga shitja e aksioneve të Xhoi co 21)
Sadri Abazi – Transferim i 75% të kuotave te fëmijët 405 000 000 lekë të ardhura nga paga si deputet, 2 106 837 lekë.
Astrit Veliaj – Truall dhe ndërtesë, 33 mijë euro Apartamente 4 copë, 44 255 euro, 33 300 euro, 17 745 euro, 14 000 000 lekë Autoveturë, 88 mijë euro.
Omer Mamo – Shitje 12 apartamentesh, 6 585 880 lekë, 6 580 000 lekë, 5 040 000 lekë, 6 900 000 lekë, 5 851 980 lekë, 12 600 000 lekë, 4 000 000 lekë, 4 620 000 lekë, 6 160 000 lekë, 6 230 000 lekë, 4 480 000 lekë dhe 12 600 000 lekë. Blerje automjeti, 102 500 euro.
Koço Kokëdhima – Shitje e shoqërisë “Abissnet”, 500 000 000 lekë. Shitje e shoqërisë “Inerte Co”, 32 100 000 lekë Shitje e 10 kuotave të shoqërisë “Unipress”, 300 000 euro. Blerje objektesh me vlera artistike, 7 115 00 lekë Blerje monedhash antike 5 342 817 lekë. Dhënie hua, 8 000 000 lekë.
Vladimir Kosta – Shitje aksionesh, 30 000 euro Llogari rrjedhëse, 979 euro Dieta ditore dhe akomodim, 470 083 lekë Shpenzime telefoni, 192 410 lekë. /tesheshi.com/
