Ish-presidenti i Shteteve të Bashkuara të Amerikës, Donald Trump, u plagos në një sulm në një tubim të fushatës në Butler County, Pennsylvania. Trump u përcoll nga skena me gjak në vesh dhe faqe.
Një zjarrfikës që ishte në audiencë u vra në tubim dhe dy persona të tjerë u plagosën rëndë.
Shërbimi Sekret vrau të armatosurin e dyshuar, të identifikuar si Thomas Matthew Crooks, 20 vjeç, nga Pensilvania.
Që nga themelimi i SHBA-së, katër presidentë dhe një kandidat për president janë vrarë.
Këto janë disa nga rastet në të cilat presidentët amerikanë dhe kandidatët kryesorë presidencialë kanë qenë objektiv i atentateve.
1865, Abraham Lincoln (Presidenti i 16-të) – u vra teksa shikonte një shfaqje teatrale me gruan e tij në Uashington. Ai u qëllua nga John Wilkes Booth dhe iu dha kujdes mjekësor, por vdiq të nesërmen në mëngjes. Booth u gjet i fshehur në një hambar në Virxhinia 12 ditë më vonë, ku u vra.
1881, James Garfield (Presidenti i 20-të) – U qëllua duke ecur në një stacion treni në Uashington, DC, gjashtë muaj pas marrjes së detyrës. Ai vdiq nga plagët e marra disa javë më vonë. Charles Guiteau, vrasësi i tij, u shpall fajtor dhe u ekzekutua vitin pasues.
1901, William McKinley (Presidenti i 25-të) – U qëllua pasi mbajti një fjalim në Nju Jork. Ai pritej të shërohej, por rreth plagëve të plumbit u shfaq gangrena dhe vdiq tetë ditë më vonë. Një 28-vjeçar nga Detroit, Leon F. Czolgosz, pranoi të shtënat. Ai u ekzekutua disa javë pas atentatit.
1912, Theodore Roosevelt (kandidat) – Roosevelt po kandidonte për Shtëpinë e Bardhë si ish-president kur u vra në Milwaukee. Ai i mbijetoi të shtënave, por plumbi i qëndroi në gjoks për gjithë jetën.
1933, Franklin Roosevelt (Presidenti i 32-të) – Emigranti italian Giuseppe Zangara ishte objektivi i një atentati në Miami. Roosevelt mbeti i padëmtuar, por Anton Cermak, kryebashkiaku i Çikagos, u vra në sulm.
1963, John F. Kennedy (Presidenti i 35-të) – Kennedy u qëllua për vdekje teksa udhëtonte në një autokolonë nëpër qendër të Dallasit. Ai u qëllua nga distanca dhe ndërroi jetë pak orë më vonë në spital. Lee Harvey Oswald u arrestua nga policia. Dy ditë pas arrestimit të tij, ndërsa Oswald po dërgohej në burg, u qëllua nga pronari i klubit të natës në Dallas, Jack Ruby.
1968, Robert F. Kennedy (kandidat) – Vëllai më i vogël i John F. Kennedy bëri fushatë për nominimin e demokratëve dhe fitoi zgjedhjet paraprake në Kaliforni të vitit 1968. Menjëherë pasi mbajti fjalimin e tij të fitores, ai u vra nga Sirhan Sirhan. Vrasësi u arrestua dhe u dënua me vdekje. Ky vendim u zëvendësua me burgim të përjetshëm dhe kërkesa e tij për lirim në vitin 2023 u refuzua.
1972, George Wallace (kandidat) – Wallace ishte në garë për nominimin presidencial demokrat kur u qëllua gjatë fushatës në Maryland. Ai u qëllua katër herë dhe një plumb i mbeti në shtyllën kurrizore. Kjo e la atë të paralizuar për pjesën tjetër të jetës. Njeriu që e qëlloi ishteArthur Bremer. Ai u dënua me burg. U lëshua në vitin 2007.
1975, Gerald Ford (Presidenti i 38-të) – u shpëtoi dy tentativave për vrasje në vetëm 17 ditë, si në Kaliforni (në Sacramento dhe San Francisko) ashtu edhe nga gratë – Lynette Fromme dhe Sarah Jane Moore. Ato janë dënuar me burgim të përjetshëm.
1981, Ronald Reagan (Presidenti i 40-të) – Reagan po linte një fjalim në Uashington kur u qëllua nga John Hinckley Jr. Plumbi shpoi mushkërinë e majtë të Reganit, duke i mbijetuar atentatit. Hinkli u arrestua dhe u shpall i pafajshëm për shkak të çmendurisë. U mbyll në një spital psikiatrik.
1994, Bill Clinton (Presidenti i 42-të) – Clinton ishte në Shtëpinë e Bardhë kur Francisco Martin Duran hapi zjarr mbi ndërtesën me një pushkë gjysmë automatike. Clinton nuk u lëndua. Duran u dënua për tentativë për të vrarë presidentin dhe u dënua me 40 vjet burg.
2005, George W. Bush (Presidenti i 43-të) – Bush po merrte pjesë në një tubim në Tbilisi me presidentin gjeorgjian Mikhail Saakashvili kur një burrë i quajtur Vladimir Arutyunian hodhi një granatë dore drejt podiumit, por ajo nuk shpërtheu dhe askush nuk u lëndua. Arutyunian u dënua me burgim të përjetshëm.
