Të paktën 350 njerëz kanë vdekur, qindra janë zhdukur dhe mijëra janë të rrezikuara nga përmbytjet në Mozambik, Zimbabve dhe Malavi, të shkaktuara nga cikloni Idai, thanë zyrtarët.
Ekipet e shpëtimit janë duke u përpjekur për të shpëtuar njerëzit që janë ngjitur në kulmet e shtëpive ose pemëve, duke pritur ndihmë.
Nga Mozambiku vijnë skena të përmbytjeve të mëdha, duke shkaktuar praktikisht një “oqean në tokë”, e rrezikuar dhjetëra mijëra familjeve.
“Kjo është kriza më e keqe humanitare në Mozambik në historinë e kohëve të fundit”, tha një zyrtar i operacioneve të shpëtimit të Federatës Ndërkombëtare të Kryqit të Kuq dhe Gjysmëhënës së Kuqe.
Presidenti i Mozambikut, Filipe Nyusi tha se më shumë se 200 njerëz u vranë në shtetin e tij, e të paktën 400,000 të tjerë mbetën të pastrehë, njoftoi AP.
Në Zimbabve, në zonat malore lindore në kufirin me Mozambikun, qytetarët po luftojnë me pasojat e kësaj fatkeqësie natyrore.
Sipas të dhënave të fundit, 98 vetë vdiqën në Zimbabve, por ekzistomj frika se numri i viktimave do të rritet.
Qeveria e Malavit deri më tani ka konfirmuar se 56 vetë janë vrarë, tre janë zhdukur si dhe 577 janë plagosur.
OKB ka ndarë 20 milionë dollarë ndihma në Mozambik, Zimbabve dhe Malavi.
Ciklon Idai goditi Mozambikun javën e kaluar dhe pastaj u zgjerua në Zimbabve dhe Malavi. /tesheshi.com/
