Një ngjarje e pazakontë ka ndodhur në Jerusalem, pikërisht pas lojrave politike për ta ndryshuar statusin e qytetit.
Autoritetet e krishtera të Jerusalemit të cilat nuk e kanë pranuar vendimin që ai të bëhet kryeqytet i Izraelit, kanë mbyllur Kishën e Varrit të Shenjtë(San Sepolcro), si protestë ndaj zyrtarëve izraelitë.
Vendimi që nuk është marrë asnjëherë, edhe në kohëra lufrash të mëdha, u mor së bashku nga Kisha Katolike, Kisha Ortodokse Greke dhe Kisha ortodokse armene, të cilët administrojnë prej më shumë se 1693 vjetësh objektin e kultit.
Mbyllja e Bazilikës u shpall në një konferencë për shtyp nga krerët e kishës rreth mesditës, sipas orës lokale.
Krerët e klerit nuk kanë bërë të ditur se sa do të zgjasë mbyllja, por theksuan se vendimi ishte masë ekstreme si protestë ndaj autoriteteve izraelite.
Kryebashkiaku i Jerusalemit ka vendosur që të bllokojë llogaritë e kishës, pasi i ka kërkuar të paguajnë taksat mbi pronën.
Qindra mijëra persona vizitojnë kishën çdo vit në pelegrinazh.
“Në shenjë proteste ne kemi marrë vendimin pa precedent, të mbyllim kishën e Varrit të Shenjtë”, thanë në konferencën e përbashkët për shtyp klerikët latinë, armenë dhe grekë.
Ka qenë e menjëhershme përgjigja e kryebashkiakut të Jerusalemit, Nir Barkat, i cili tha se “Kisha e Varrit të Shenjtë, ashtu si objektet e tjera të kultit është e përjashtuar nga taksat, por ne thjesht po marrim të ardhurat nga aktivitetet komerciale.
Sipas kryebashkiakut, ai ka kërkuar taksa për objektet në pronësi të Kishës që janë hotele, lokale, restorante apo dyqane të ndryshme objektesh antike. Ai tha se bëhet fjalë për 162 milionë euro në vit që i takojnë bashkisë.
Por krerët e Kishës theksojnë se këto masa fiskale rrezikojnë autonominë e objekteve të kultit, të cilët investojnë dhe mirëmbajnë kishën.
Në fakt e gjithë kjo mesele ka plasur tani pas vendimit që ka marrë Donald Trump për ta njohur Jerusalemin si pronë ekskluzive të hebrenjve.
Vendimi i sotëm ishte vetëm pasoja e parë. Dhe duhet pasur parasysh se bëhet fjalë për mbylljen e një kishe që është hapur në 325-n pas Koncilit të Nikeas.
Pra po ndodh një zhvillim epokal, por që parashikon një furtunë të madhe… /tesheshi.com/
