Presidenti i Kosovës, Hashim Thaçi, zhvilloi sot një vizitë në Janjevë të Lipjanit, ku u takua me komunitetin kroat që jetojnë në këtë fshat.
Thaçi, me këtë rast vizitoi familjen e djaloshit 11-vjeçar, Pashkut, ku mësoi për kushtet e jetës së familjes me 8 fëmijë dhe punën që bëjnë që të mbijetojnë duke u marrë me bujqësi dhe blegtori.
“E takova Ronaldon e ardhshëm të Kosovës”, u shpreh presidenti Thaçi, pas fotografive me Pashkun.
Në vizitën që i bëri komunitetit kroat në Janjevë, të mërkurën, më 11 maj, presidenti Thaçi dëgjoi nga përfaqësuesit e komunitetit për problemet dhe nevojat e tyre dhe u zotua se institucionet e Kosovës do t’i dalin krah këtij komuniteti të vjetër në Kosovë.
“Kroatët e Janjevës janë pjesë e historisë por edhe pjesë e ardhmërisë së Kosovës”, theksoi Thaçi.
Por, Pashku padyshim mund të quhet një djalë me fat, apo tashmë mund të marrë nofkën “shoku” i presidentëve.
Arsyeja është se ai para se të takohet me presidentin Thaçi, pati fatin të takoi nga afër edhepresidenten e Kroacisë, Kolinda Kitaroviq-Grbariq, gjatë qëndrimit të saj në Prishtinë ditë më parë ku mori pjesë në ceremoninë e inaugurimit të presidentit Thaçi.
Presidentja kroate përmes një postimi në rrjetin social Facebook, shkroi se ishte prekur nga takimi me Pashkun e vogël dhe tregimin e tij për jetën e vështirë që bën ai me tre vëllezërit dhe katër motrat e tij. /tesheshi.com/
