“Pas shumë diskutimeve, shumë shpejt mes Kosovës e Shqipërisë nuk do të ketë asnjë taksë! Urime!”, është ky mesazhi që ka përcjellë në orët e vona të mbrëmjes ministri i Arsimit në Kosovë, Shyqiri Bytyqi, duke e shoqëruar atë me një foto ku ndodhet një pjesë zyrtarësh të qeverisë Haradinaj me në krye Limajn, si dhe kryeministri Rama e ministri i Diasporës Majko.
Ky lajm, siç shihet, përcillet nga një ambient jo zyrtar e një takim gjithashtu jo zyrtar, dhe për më tepër jo nga ministri i linjës, por në orët në vijim pritet të sqarohet gjithçka.
Nëse Haradinaj e Rama vendosin heqjen e ço takse mes Shqipërisë dhe Kosovës, ky do ishte një tjetër hap kurajoz që vjen pas atij të taksimit të produkteve serbe, që pothujase u kanë ndalur rrugën që të shkojnë drejt drejt tregut kosovar, duke çuar drejt një shprishjeje të një tregu që funksiononte prej vitesh. /tesheshi.com/
