Këtë fundjavë i dhanë lamumtirën futbollit dy emra: Steven Gerrard në Liverpul dhe Ded Ndreca në Mamurras.
Por ndërsa i pari njihet thjesht si futbollist i madh, i dyti është e nevojshme të njihet e të dihet se e la atë në moshën 50-vjeçare, duke qenë njëherësh lojtar si dhe president ekipi. 34 vjet rresht ka luajtur Ndreca, derisa vjen moment e dorëzohet. Si i thonë, var këpucët në gozhdë. Ai shënoi dhe në ndeshjen e fundit, madje shumë shpejt, dy minuta pasi kishte nisur ndeshja, por i mbeti peng që nuk mundi dot ta nxirrte ekipin e tij, Mamurrasin, në Superiore.
Mamurrasi ka hyrën në historinë e re shqiptare si një mesazh politik. Berisha pat thënë vite më parë kur ishte në opozitë se mundet ta merrte pushtetin lehtësisht, vetëm me një grusht mamurrasish. Dhe ç`prej atëherë, qyteza kurbinase e ndodhur mes Laçit dhe Fushë-Krujës, u pa si një tabor politik. Por që ja që Mamurrasi mund të njihet dhe ndryshe, si një vend me njerëz pasionantë e të çuditshëm, që prodhojnë histori të rralla njerëzore. Si kjo e Dedë Ndrecajt
. /tesheshi.com/
