Ndërsa Nikolla Gruevski, siç dhe disa homologë të tij në Ballkan shpresonin se Donald Trump do t’i jepte një dorë për të qëndruar në pushtet, administrata e re amerikane ka vulosur përfundimisht qëndrimin për një qeveri të re në Maqedoni të drejtuar nga Zoran Zaev, i cili duhet të zbatojë platformën e Tiranës për implementimin e gjuhës shqipe në administratë.
Departamenti Amerikan i Shtetit, në një deklaratë të posaçme i ka bërë thirrje presidentit të Maqedonisë që të mbyllë fjalëkryqin e qeverisë.
“Qeveria e re, shprehet përmes një deklarate zëdhënësi në detyrë i Departamentit të Shtetit, Mark Toner, do të ndihmojë për t’i dhënë fund krizës politike, që ka dëmtuar rëndë përparimet ekonomike dhe demokratike të vendit, si dhe integrimin Euro-Atlantik”.
Uashingtoni u bën thirrje gjithë partive të vënë në radhë të parë interesat e Maqedonisë dhe qytetarëve të saj dhe të zbatojnë plotësisht angazhimet që rrjedhin nga Marrëveshja e Përzhinos.
“Shtetet e Bashkuara, së bashku me aleatët e Bashkimit Evropian dhe NATO-n, po ndjekin nga afër procesin e formimit të qeverisë së re”, thekson zëdhënësi i Demartamentit të Shtetit.
Zaev, i ka dorëzuar një ditë më paë presidentit Ivanov listën me nënshkrimet e duhura për të marrë mandatin e formimit të qeverisë, pas dështimit të VMRO-së, që nuk pranoi kushtet shqiptare. /tesheshi.com/
