Pas referendumit në të cilin qytetarët e Parisit vendosën ndalimin e automjeteve elektrike, kërkesat për rregulla më të rrepta për përdorimin e këtyre automjeteve po bëhen gjithnjë e më të forta edhe në Gjermani.
“Edhe në Gjermani, qytetet tani duhet të përdorin të gjithë mekanizmat ligjorë për të kufizuar marrjen me qira të skuterëve elektrike ose për të hequr plotësisht trotuaret, parqet dhe sheshet nga këto automjete”, tha shoqata e këmbësorëve Fuss.
Përvoja nga Parisi tregoi se skuterat elektrike merren me qira ekskluzivisht nga të rinjtë dhe turistët për argëtim, shtohet në deklaratë.
Ideja origjinale, sipas së cilës Romobilat do të përdoren nga njerëzit që shkojnë në punë dhe në këtë mënyrë do të ulin emetimet e dioksidit të karbonit, doli të jetë e gabuar.
“Qytetet duhet të vendosin vetë”
Përfaqësuesi i Shoqatës Gjermane të Qyteteve dhe Komunave, Gerd Landsberg, hodhi poshtë ndalimin e Parisit dhe mbrojti dënime dhe rregulla më të rrepta për marrjen me qira.
“Problemet me skuterat elektrike me qira janë të ngjashme në të gjitha qytetet, por ndalimi është rruga e gabuar. Ajo që na duhen janë rregulla më të rrepta”, tha ai për të përditshmen Augsburger Allgemeine.
Ai beson se provincat federale duhet t’u japin qyteteve kompetenca ligjore sipas të cilave vetë qytetet do t’u përcaktojnë ofertuesve sipas rregullave që do të marrin me qira automjete elektrike.
Gjithashtu, sipas përfaqësuesit të Shoqatës së Qyteteve Gjermane, është e nevojshme që ligjet për sigurinë në komunikacion të përshtaten me përdorimin e këtyre automjeteve në nivel federal.
Kjo, mbi të gjitha, i referohet rregullave të parkimit.
Krahas kaosit gjatë parkimit të skuterëve elektrikë, të cilët përdoruesit i lënë shpesh në mes të trotuarit, nevojiten edhe dënime më të rrepta për drejtimin në gjendje të dehur dhe shpejtësinë e tepërt.
Përfaqësuesi i Sindikatës së Policisë, Michael Martens, tha se skuterët elektrikë janë shumë të shpejtë dhe se duhet të vendosen kufijtë e shpejtësisë.
Ndalim në Boston dhe Toronto
“Skuterat elektrikë janë thjesht shumë të shpejtë. Në vend të 20 kilometrave të tanishëm në orë, shpejtësia duhet të kufizohet maksimalisht në 15 kilometra në orë”, tha ai.
Martens arriti në përfundimin se ofertuesve në Gjermani “u mungon vullneti” për ndryshime nga frika se numri i përdoruesve do të ulet.
Qytetarët e Parisit vendosën me 89 për qind të votave në referendumin e së dielës të ndalojnë marrjen me qira të skuterëve elektrikë dhe ndalimi duhet të hyjë në fuqi më 1 nëntor.
Marrja me qira e skuterave elektrike tashmë është ndaluar nga disa qytete si Bostoni apo Toronto. /tesheshi.com/
