Moska ka lëshuar një paralajmërim shumë të fortë ndaj dy vendeve ballkanike që janë në procesin e anëtarësimit në NATO.
Zv.kryeministri rus, Dimitry Rogozin, i cili është përgjegjës për sigurinë kombëtare dhe ushtrinë, ka vizituar Beogradin dhe është takuar me kryeministrin serb, Aleksandër Vuçiç.
Në një intervistë për të përditshmen serbe Politika Rogozin deklaroi se kishte ardhur me mission special në Ballkan i dërguar nga Presidenti rus Vladimir Putin. “Putin di gjithçka”, tha Rogozin. Ai gjithashtu bëri të ditur se ai i kupton shqetësimet e qeverisë së Serbisë në lidhje me armatosjen e Kroacisë dhe ka perifrazuar Bismarkun që ka thënë se ne duhet të shikojmë potencialet dhe jo synimet.
Ndërkaq, Moska nuk e ka përtypur zgjerimin e NATO-s në ish- zonën e saj të influencës.
Numri dy i qeverisë ruse tha për Politika se zgjerimi i NATO-s me Malin e Zi dhe Maqedoninë ngre probleme serioze.
“Ne e shikojmë këtë ekspansion si një proces të rrezikshëm dhe provokativ dhe natyrisht ne nuk kemi reaguar por e shikojmë negativisht si zgjerimi i Sllovenisë dhe i Kroacisë. “Hyrja e Malit të Zi dhe Maqedonisë në NATO është e prapranueshme”, tha ai.
Serbia ka kërkuar të marrë armë nga Rusia por nuk u specifikuan nga zyrtari i lartë rus.
“bëhet fjalë për armë difensivë si ajrore ashtu dhe tokësore por ne duam të modernizojmë ushtrinë serbe”, tha ai.
Rogozin tha se Putin është informuar për kërcënimet që Kroacia mund t’i shkaktojë Serbisë. /tesheshi.com/
