David Silva, mesfushori 32-vjeçar i Manchester City-t, tha se vendosi të mos jetë më lojtar i përfaqsueses spanjole, duke e konsideriar si vendimin më të vështirë në karrierë. Ndodhi kjo pak ditë pas një tjetër emër i madh i futbollit spanjoll të 15 viteve të fundit, Pique, konfirmoi se e kishte mbyllur kapitullin e tij me kombëtaren.
“Ishte vendimi më i vështirë në karrierën time dhe unë jam i lumtur që isha pjesë e një ekipi që njerëzit gjithmonë do ta kujtojnë. Nuk do ta harroj kurrë mësuesin tim Luis Aragones”, shkroi Silva në një letër të hapur .
Me përfaqsuesen spanjolle ai pati 125 paraqitje dhe shënoi 35 gola dhe aktualisht është golashënuesi i katërt më i mirë në përzgjedhjen spanjolle të të gjitha kohërave.
Ai fitoi dy kampionate evropiane (2008 dhe 2012) dhe Kupën e Botës 2010.
Në karrierën e tij me klube ka luajtur për Valencia B, Valencia, Eibar, Celta dhe Manchester City. /tesheshi.com/
