Pas hedhjes së gazit lotsjellës në sallën e Kuvendit nga deputetët e opozitës, ata kanë gjetur edhe mënyrën për relaksim.
Kamerat e Klan Kosovës kanë kapur liderin e Aleancës për ardhmërinë e Kosovës Ramush Haradinaj, duke e mbushur gotën e vetë dhe të bashkëpartiakut të tij Pal Lekajt një gotë raki.
Ndonëse pija alkoolike është kamufluar në një shishe të zbrazët uji, ajo duket qartë të jetë alkool. Madje, Haradinaj po e mbushte edhe me klasë – vetëm fundin e gotës, ashtu siç e do zakoni, njofton Klan Kosova.
Ndërsa Haradinaj gjatë një interviste për Klan Kosova, ka deklaruar se “po pinte vetëm çaj”.
Haradinaj i qerasi edhe kolegët tjerë të opozitës, i cili iu mbushi nga një gotë Albin Kurtit, Rexhep Selimit, Shqipe Pantinës e Glauk Konjufcës, që këtij të fundit kjo pije iu duk dhe pak e rëndë. Këtë e tregon edhe shprehja në fytyrën e tij./tesheshi.com/
