Deputeti Albin Kurti ka hedhur gaz lotsjellës në Kuvend duke ndërprerë sërish seancën.
Deputeti Ramush Haradinaj i është drejtuar kryekuvendarit Kadri Veseli se nuk do të ketë seancë.
“Kryetar çu dil jashtë me gjithë këta horrat e tu se nuk ka seancë”, shpërtheu gazi lotsjellës.
Policia largon me dhunë Konjufcën dhe Pantinën
Tre policë civilë e kanë kapur me dhunë deputetin Glauk Konjufca dhe deputeten Shqipe Pantina, i ka larguar nga salla, por që më pastaj ata janë kthyer në vendin e tyre.
Kryesia merr vendim: kordon i policisë në Kuvend
Kryesia e Kuvendit në një mbledhje që ka zgjatur më shumë se dy orë ka marrë vendim me shumicë votash, vetëm një kundër të përfaqësueses Aida Dërguti, që policia të futet në sallë për të nxjerrë deputetët me dhunë nga salla në mënyrë që të krijohen kushtet për t’u mbajtur seanca.
Dhjetëra policë civilë kanë hyrë në Parlament me ç’rast kanë krijuar një kordon para vendit ku qëndrojnë deputetët dhe ulëses së kryeparlamentarit Veseli.
Me vendimin e tij, Veseli shkel fjalën e vet që kishte thënë në seancat paraprake se policia në asnjë moment nuk do të futet në Parlament për të larguar me dhunë deputetët. /tesheshi.com/
