Vizita e kryeministrit Rama në Stamboll, ka patur si stacion dhe një takim të tij me patriarkun ekumenik, Bartolomeu I.
“Sot në Patrikanën Ekumenike të Stambollit për të bashkëbiseduar me Sh. T. Patriarkun Ekumenik Bartolomeun I për sfidën e përbashkët të shteteve e të institucioneve fetare në ruajtjen dhe promovimin e tolerancës fetare; një sfidë me rëndësi jetike në rajonin tonë ku Shqipëria ka një rol të posaçëm për të luajtur”, shkruan Rama gjatë një postimi.
Siç shihet, edhe këtë takim, Rama e ka motivuar në funksion të tolerancës fetare. Vitet e fundit të protagonizmit të tij politik, ai i ka mëshuar fort kësaj, pra tolerancës, sidomos asaj shqiptare, duke u përpjekur ta promovojë si një xhevahir të rrallë shqiptar.
Edhe vetë vizita e Ramës e ka patur këtë dimension, pasi me patriarkun Bartolome, takohet fill pas takimit me “patriarkun” politik, por dhe fetar të Turqisë, Rexhep Taip Erdogan. /tesheshi.com/
