Prokuroria greke ka bërë kallëzim penal ndaj 104 personave, shumica e të cilëve shtetas kroatë, duke i akuzuar për katër vepra penale dhe shtatë kundërvajtje gjatë përleshjes së përgjakshme mes tifozëve në Athinë ku mbeti i vrarë një tifoz i AEK-ut.
Veprat penale me të cilat përballen të pandehurit janë vrasja me dashje, pjesëmarrja në organizatë kriminale, shkaktimi i shpërthimeve dhe posedimi i lëndëve plasëse.
Veprat për të cilat akuzohen janë prishje e qetësisë, plagosje e rrezikshme e kryer dhe tentativë, shkatërrim i pasurisë së huaj, ryshfet, armëmbajtje pa leje, përdorim i armëve dhe mbajtja e fishekzjarreve.
Hetimet në tre drejtime
Duke qenë se nuk është gjetur ende arma që vrau 29-vjeçarin Michalis Katsouris, nuk ka nisur ndjekja penale për veprën penale të vrasjes.
Materiali gjenetik i gjetur në mjetet e vrasjes, sendet metalike dhe shkopinjtë prej druri janë ende duke u testuar për të identifikuar autorin.
Hetimet po zhvillohen në tre drejtime, ndërsa të arrestuarve u sekuestruan të gjithë celularët dhe po hetohen për provat e mundshme. /tesheshi.com/
