Ish-kryeministri Sali Berisha, referuar qytetarit dixhital, denoncoi një aksident rrugor, duke aluduar se në të ishte përfshirë kryebashkiaku i Elbasanit, Qazim Sejdni, ndërsa akuzoi policinë se po mbante të fshehtë ngjarjen.
Por pas këtij denoncimi ka ardhur dhe reagimi zyrtar i policisë së Elbasanit, e cila deklaron se me të vërtetë ka pasur një aksident, por në të nuk ka qenë shkaktar Qazim Sejdini. Sipas njoftimit, aksidentin e ka shkaktuar 51 vjeçari me inicialet Xh.F, drejtues i një makine të tipit Benz në pronësi të një kompanie dhe marrë me qira nga ana e Bashkisë së Elbasanit.
Sipas policisë, pas aksidentit, 51-vjeçari së bashku me dy të afërm të të dëmtuarit e kanë transportuar shtetasin A.Allushi, 32 vjeç, në spitalin rajonal ku ndodhet jashtë rrezikut për jetën. Më pas shkaktari i incidentit është paraqitur në komisariatin e policisë. /tesheshi.com/
