Ambasadori i Shteteve të Bashkuara të Amerikës, Donald Lu, pas seancës së Kuvendit ku kryeministri Edi Rama prezantoi programin e qeverisë së re, është takuar me ambasadoren e Greqisë, Eleni Surani.
Nuk dihet nëse Lu ka zgjedhur të takojë diplomaten greke pas fjalëve të prera të kryeministrit Edi Rama se Shqipëria nuk ka për të mbyllur gojën e sytë për të drejtat e veta, apo është thjesht një rastësi.
Fotot mes Lu e Surani, teksa bisedojnë janë publikuar nga Balkanweb.
Ambasadori amerikan nuk ishte i pranishëm në votimin për kreun e Kuvendit, në seancën e së shtunës, por sot ka dëgjuar programin e qeverisë Rama në një nga llozhat e sallës së Parlamentit. /tesheshi.com/
