Tropoja po kalon orë të trazuara si pasojë e një vrasjeje, e cila, sipas fjalëve të të parit kryebashkiak socialist në Bajram Curr, Rexhë Byberi, nuk e përjetonte prej 18 vitesh.
“Unë nuk e njoh për njeri me probleme, ishte i qetë, nuk e di nëse ka hakmarrje. Brenda në qytet kjo është vrasja e parë që ndodh pas 18 viteve”, tha Byberi, referuar 47-vjeçarit të ekzekutuar Guxim Gjyriqi.
Ngjarja merr përmasa shqetësuese nga fakti se viktima kishte lidhje të afërta me një prej emrave të më të bujshëm të sagës së hakmarrjeve në Tropojën e fund ’90 e fillimit të viteve ‘2000 – Fatmir Haklaj, edhe ky i vrarë atë kohë, pasi rezultojnë të jenë bij tezesh.
Policia, e cila është përfshirë në një aksion në kërkim të vrasësve, ke gjetur një automjet të djegur në Hasin fqinj, një makinë tip Ford, e cila mendohet të jetë e autorëve. Por ende nuk ka asnjë version se pse iu morr jeta Guxim Gjyriqit, pronar karburanti e një restoranti, por pa asnjë njollë shoqërore. /tesheshi.com/
