Një parti e re sapo u promovua këtë të shtunë, e dalë nga PD-ja.
Ishte Enkelejd Alibeaj ai prezantoi forcën e re “Djathtas 1912”, krijuar nga ai së bashku me emra si Edvin Kulluri, Flutura Açka, Arbi Agalliu, Selaudin Jakupllari e Rezart Kthupi.
Alibeaj lexoi Kartën e Parimeve dhe Vlerave të kësaj partie të re, dukë thënë se, “bazohet në pesë shtylla kryesore themelore të lirisë: individi, prona, familja, vetëqeverisja dhe besimi”.
Alibeaj deklaroi se në qendër të kësaj force politike është shteti i së drejtës, një qeveri më e kufizuar në madhësinë dhe fuqinë e saj, si dhe tregu i lirë.
“Qeverisja nuk është qëllim, por mjet. Ne besojmë te sovraniteti dhe shteti si njësi unitare, te Kushtetuta e vendit, qeverisja përfaqësuese e drejtë që garantohen nga kontrolli dhe balanca mes parlamentit, qeverisë dhe drejtësisë. Këto janë gurët e themelit dhe zbatimi me rigorozitet i Kushtetutës dhe ligjeve që rrjedhin prej saj janë baza për zhvillimin e vendit. Ne besojmë se vota e lirë dhe paprekshmëria e saj, pluralizmi i pikëpamjeve dhe respektimi i mendimit të individit janë themelet për ndërtimin e shtetit të së drejtës dhe demokracisë funksionale”, tha Alibeaj.
Kujtojmë se ky grupim përbëhej nga emra që ishin krah Lulzim Bashës, i cili kështu mbetet edhe më i vetmuar, paçka se drejton një lëvizje të quajtur Euroatlantikët.
Kjo është e disata parti që krijohet nga si shkëputje nga PD që me Alaeancën Demokratike në fillimet e 90-ës. Asnjë prej tyre nuk ka patur sukses të synuar politik. /tesheshi.com/
