Partia maqedonase në pushtet, VMRO-ja, ka akuzuar oponentin e tyre politik, LSDM-në në krye me Zoran Zaevin, se ka promovuar idenë për zyrtarizimin e gjuhës shqipe në territorin e Maqedonisë si gjuhë të dytë.
“Krimineli mendon se të gjithë janë si ai. Këtë thënie edhe njëherë e vërtetoi sot Zoran Zaev, politikani i cili fshihet pas abolimit të Cërvenkosvkit për vjedhje prej 8 milion euro. Populli e njeh shumë mirë Zoran Zaevin, kriminelin që promovonte idenë për zyrtarizimin e gjuhës shqipe në tërë territorin e Maqedonisë, si gjuhë të dytë”, kanë reaguar nga VMRO-DPMNE.
Sipas partisë në pushtet, LSDM nuk ka çfarë t’i ofrojë popullit përveç destruksioneve dhe vazhdimin e krizës.
“LSDM nuk mund të ikë përgjithmonë nga zgjedhjet. Herët apo vonë do të ballafaqohen me popullin dhe do të pësojë humbje fatale”, thuhet mes tjerash në reagimin e partisë në pushtet. /tesheshi.com/
