Partia Demokratike po shfytëzon çdo lloj zhvillimi në PS, edhe ato me nota humori, për betejat e saj opozitare.
Të dielën, selia blu doli me një deklaratë, ku me anë të zëdhënëses Ina Zhupa, i bëri thirrje Prokurorisë që të nisë hetimet mbi denoncimin e deputetit të mazhorancës, Eduard Ndocaj, siç u tha, nga “një mercenar i Edi Ramës, e të cilit i është besuar dega e Partisë Socialiste në Lezhë”, ku është fjala për ish-deputetin Arben Ndoka.
Sipas PD-së, Rama vijon të bëjë politikë me metoda kriminale.
Reagimi erdhi pasi deputeti Ndocaj, i njohur ndryshe dhe si “kaubjosi”, pretendoi se është kërcënuar me jetë për shkak se ka vendosur të konkurojë në kongresin e pritshëm të PS-së për t’i marrë partinë Edi Ramës. /tesheshi.com/
